SEN. GORDON PINAHIYA AT BINASURA ANG SUGGESTION NI SEN. TRILLANES

Hindi naging katanggap-tanggap para kay Senador Richard Gordon ang mga salitang binitawan ni Senador Antonio Trillanes IV sa privilege speech ng huli para ilarawan si Pangulong Rodrigo Duterte.

Matatandaang tinawag ni Trillanes na “mass murderer” si Duterte dahil umano sa direktang pagkakasangkot ng Pangulo sa Davao Death Squad (DDS) noong siya ay alkalde pa lamang ng Davao City.

“Now that we have seen the different corroborating evidence on the testimony of Mr Edgar Matobato, we are faced with a very frightening prospect – that of having a mass murderer as president of the country,” ito ang bahagi ng talumpati ni Trillanes nitong Lunes habang inuudyukan ang kaniyang mga kasamahan na simulan na ang imbestigasyon laban sa presidente.

Subalit hindi naging maganda ang dating kay Gordon ng pagsasalarawan ni Trillanes sa Pangulo bilang “mass murderer”. Binalaan ni Gordon si Trillanes na ang ganitong klaseng deskripsyon ay inilalaan lamang dapat sa mga diktador na katulad ni Hitler.

“Harsh words such as mass murderer is uncalled for. That is reserved for Hitler; that is reserved for Stalin, that is reserved for the president of Cambodia, Pol Pot,” paalala ni Gordon, ang chairperson ng Committee on Justice and Human Rights na nag-iimbestiga sa umano’y extrajudicial killing (EJK) sa bansa.

Kinastigo rin ng dating SBMA chairman ang kaniyang kasamahan dahil sa umano’y pagtatanggol nito kay Edgar Matobato, ang hitman na umaming dating miyembro ng DDS at nagsasangkot kay Duterte sa EJK sa Davao City.

SPONSOR

“I find it very distasteful that he was talking for the witness. The witness is the best witness. You cannot supplant a witness with your own observations,” pahayag ni Gordon.

Sa huli ay hindi rin pumayag si Gordon na isangguni sa Blue Ribbon Committee ang talumpati ni Trillanes upang masimulan ang imbestigasyon kay Duterte.

Ayon sa senador, marapat lamang na dumaan ito sa committee on rules para sa kaukulang pagpapasya.

Source: real8scoop

Share this story!

Visit and follow our website: Duterte News Global